Ēala ēarendel,engla beorhtast,
ofer middangeardmonnum sended,
ond sōðfæstasunnan lēoma,
torht ofer tunglas,þū tīda gehwane
of sylfum þēsymle inlihtes!
Swā þū, god of godegearo acenned,
sunu sōþan fæder,swegles in wuldre
būtan anginneǣfre wǣre,
swā þec nū for þearfumþīn āgen geweorc
bīdeð þurh byldo,þæt þū þā beorhtan ūs
sunnan onsende,ond þē sylf cyme
þæt ðū inlēohteþā þe longe ǣr,
þrosme beþeahteond in þeostrum hēr,
sǣton sinneahtes;synnum bifealdne
deorc dēaþes sceadudrēogan sceoldan.
Nū wē hyhtfullehǣlo gelyfað
þurh þæt word godesweorodum brungen,
þe on frymðe wæsfæder ælmihtigum
efenece mid god,ond nū eft gewearð
flæsc firena lēas,þæt sēo fǣmne gebær
geomrum to gēoce.God wæs mid ūs
gesewen būtan synnum;somod eardedon
mihtig meotudes bearnond se monnes sunu
geþwǣre on þēode.Wē þæs þonc magon
secgan sigedryhtnesymle bi gewyrhtum,
þæs þe he hine sylfne ūssendan wolde.
my goal for 2024 is to learn enough about old english pronounciation to do a reading of this next dec 21